مشروع فراخ بيضاءودراسة جدوى ليه

دراسةجدوى لمشروع فراخ بيضا:

الكثير مننا يبحث عن عمل مشروع يوفر منه دخل اضافى لمنزلة ولكنه يجد صعوبة فى اختيار المشروع.

تربية الفراخ البيضاء من احدى المشاريع المنتشرة للاهالى خاصة فى ظل الظروف الحالية وغلاء الاسعار .

الناس اصبحت تبحث عن دخل اضافى ليهم ويظهر هذا المشروع وبامكانيات بسيطة تقدر تنفذة ولو حبيت المجال فانك تقدر تطورة كل فترة

مميزات هذا المشروع بقصر فترتة حيث يبدا المربى البيع من عمر 32 حتى40 او 45 يوم وحسب نوع الكتكوت برضو.

فاليوم سوف اتحدث عن دراسة جدوى بسيطة لعدد 100 كتكوت .

لازم ننبه الناس👌👌👌👌

مكان كويس وكتكوت نظيف وعلف كويس وخالى من السموم هتلاقى انتاج وربح كويس.

اى مشكلة فى اى حاجة هتخرب الدنيا وانبه برضو👌👌👌👌👌الادوية البيطرية لان فيها ادوية مغشوشة حتى  عند دكاترة بيطريين برضو بيكون فى نوعية مش كويسة خاصة الدواء السايل الغش فية بقى عادى برضو.

نبداعلى بركة الله.

1.عدد الكتكوت × سعر الكتكوت= اجمالى سعر الكتاكيت

فى الوقت الحالى سعر الكتكوت 7 جنية وعلى فكرة الكتكوت كب

اذن 100×7=700    

2. العلف من وجهة نظرى ونظام العلف اللى باكلة للكتكوت فانه:

.بيستهلك علف 23% من500 جرام الى 700 جرام يعنى المتوسط600 جرام

اذن الاستهلاك من علف 23%

100× 600جرام=60 كيلو

يعنى ايه الكلام ده😏😏😏😏

ده معناه ان 100 كتكوت هياكلو60 كيلو علف ناعم 23% بروتين وبما ان ده بمعدل شيكارة علف و10 كيلو فرط برضو علف

والعلف ده ممكن يخلص على 14 يوم او قبل كدا فده عادى لانى جربت كل طرق التربية

بس احب انبه الى حاجه ودية من تجربه👌👌👌👌

اولا لما تستقبل لازم يكون عندك اطباق تحضين وتحط العلف بالمقدار ان شالله كل ساعتين تحطلهم بقدار صغير بحيث يخلصوا اكل العلف اول باول ليه بقى الكلام ده😏😏😏😏

1.علشان اسموم لان العلف لو قعد فترة قدام الكتاكيت وهما بناموا وبيمشو ومش عتقين اى حاجة بيعمل سموم فطرية بتتعبك بعدين وكله على راس المربى.

2. للتقليل من اهدار العلف

طيب علشان مش نخرج عن الموضوع نكمل كلامنا👍👍👍

ولنقول ان سعر كيلو العلف7 بس طبعا المربى طالما بيجيب بالشكاير بيكون اقل من كدا

يبقى 60 كيلو × 7=420 جنية 

طيب بيسهلكوا من العلف21% بروتين 3 كيلو لكل فرخ

100× 3 =300 كيلو يعنى 6 شكاير ام 50 كيلو 

طيب سعر ال300 × 7=2100 جنية 

الادوية والاضاءة والرعاية والنشارة 5 جنية وكمان ممكن تكون اقل من كدا برضو

100 × 5=500 جنية 

طبعا لو انت بتستعمل ارضية او بطارية هتوفر عليك تكلفة النشارة وكمان جزء من تكلفةالادوية بس الدراسة دية للتربية الارضية.

طيب كدا تكاليف الفراخ الكلية هى

سعر الكتاكيت + سعر العلف +المصاريف الاخرى

700+(420+2100)+500=3720 جنية

طيب انتاج الفراخ هيكون ايه😏😏😏😏😏 

نفترض ان حصل نافق طبيعى وهو 5% 

اذن الفراخ الباقية =100×5%=5 فرخات اذن الباقى 95 فرخ 

كلما زاد النافق بياثر بصورة سلبية على الربح

ونفترض يكون متوسط الوزن نتيجة تفاوت الحجام 2 كيلو

اذن الفراخ الباقية 

95 عدد الفراخ ×2 متوسط الوزن=190 كيلو

وسعر البيع اقل سعر وده من وجهة نظرى 23 جنية للكيلو 

يبقى اجمالى سعر البيع 190×23=4370

  صافى الربح=الايرادات -المصروفات

                =3720-4370 =650 جنية 

طبعا احب انبه لحاجة 👌👌👌👌👌👌 

الدراسة دية للناس  اللى بتربى فى المنازل واحيانا بيكون الانتاج اعلى من كدا والربح اكتر من كدا.

فى بنود فى المصاريف ممكن انت تقللها زى التربية على النشارة ممكن توفرلك 150 الى 200 جنية 

ممكن مش يكون عندك نافق يعنى اقل من النافق المذكور 

طبعا سعر البيع بيختلف من مكان لاخر والسعر ده اقل حاجة ممكنة واوعى تبيع اقل من كدا وحتى لو هتبيع على ايدك للاهالى ولو بعت للاهالى طبعا نسبة ارباحك هتكون اكتر من كدا لان دية اقل نسبة ارباح والكلام ده للتربية المنزلية

طبعا اى خلل او زيادة نسبة النفوق طبعا بيخرب الدنيا

وخلى بالك 😏😏😏😏😏😏👌👌👌

 من السمسار او التاجر اللى بتبيعلة اصلا هما ممكن يسرقوك وانت واقف واوعى تدخل تاجر للمكان اللى بتربى فية علشان هيطلعلك القطط الفطسانة فى فراخك ويشكك فى نفسك علشان يقلل السعر لو لاقيت تاجر كدا قوله مع السلامة واوزن فراخك بميزانك علشان تعرف اذا كان بيسرقك ولا

اتمنى ان ينال المقال على اعجاب من يقراه وياريت  تنشر المقال لعل الفايده تعم الكل😇😇😇😇😇

 

***********************

***********************

تربية الفراخ البيضا (الجزء الثانى)

تربية الفراخ البيضا (الجزء الثانى)

التربية نظام وفن لازم نتعلمة ونطور هذا النظام حتى يصبح نظاما متكاملا يساعد على انتاج صحيح بجودة عالية.

احب اركزعلى اساس النظام ده لا البنية الاساسية لو اساسها ضعيف هتيجى فى وقت من الاوقات وتقع .
المربى لما بيقع بتبقى خراب كبير علشان كدا لازم انبه اللى قدامى لو عاوز تعمل مشروع تربية الفراخ البيضا .

انتبه عزيزى المربى👌👌👌👌

هذا المجال علم واحيانا بيكون هواية كما الحال بالنسبة لى ،لقد بدات هذا المجال كهاوى ولكنى اتجهت اليه كعلم لاكتشف كل ما يحتوية من الاسرار والخبايا والاكتشافات الكبيرة.

كنت استمع الى فيديو بيتكلم عن مهندس بيترول ترك مجاله وعمل مشروع تربية دواجن باسلوب جديد ولكن المذيع عندما سال المهندس المسؤل عن متابعة الدواجن واخبره هذا المهندس بانه يكون مستمتع لمتابعة الفراخ تكبر ويجد نفسه فرحا لمتابعة الدواجن وقال المذيع وكانة مستغرب ان فى حد يكون سعيد وفرحان لمتابعتة للفراخ ولكن انا افهمة لان هذا المهندس من الناس اللى عندها هواية تربية الدواجن والتى تتحول الى شغف وحب شديد.

لذلك استكمالا للمقال الاول لاسلوب التربية فى المنزل او تربية اعداد من 500 الى 1000 كتكوت.

طيب ماهى اساسيات التربية الصحيحة:

1.المكان الصحيح 

2.الكتكوت الصحيح

3.العلف المظبوط

4.الادوية الصحيحة مش المضروبة

5.الرعاية الصحيحة

لذلك نبدا بالمكان الصحيح  

بالنسبة للتربية االمنزلية او الاعدا الصغيرة فالمربى يكون المكان اللى بيربى فية هو النظام المفتوح لان النظام المغلق بيكون متاح فى العنابر الكبيرة لان تكلفته عاليةبس طبعا النظام المغلق افضل بكتير خاصة فصل الشتاء اللى الفيروسات خربت الدنيا العام الماضى.

طيب المكان المفوح ده لابد ان يتوافر فيه مخرجين مخرج لدخول الهواء ومخرج لخروج الهواء لان سوء التهوية بيكون من احدى الحاجات اللى ممكن تخسر المربى الكثير ومهما عالج فانه لا يستطيع حل المشكلة التى تنتج عن سوء التهوية 

لابد من توافر الشفاط خاصة فى فصل الصيف واحيانا فى الشتاء.  

والشفاط ليه احجام وانواع مختلفة

  

 وده شكل لاحد انواع الشفاطات التى يتم استخدمها

فالمكان الصحيح لاز يكون مجهز بنظام صحيح

طيب فصل الصيف ازاى نواجه موجة الحر .

الطرق الحديثة الان هى خلايا التبريد التى تقلل من درجة حرارة المكان 

مثل الشكل اللى بالصورة

طيب من اساسيات المكان الصحيح نظام التربية:

 نظام التربية:

يعنى ايه نظام التربية😏😏😏😏

هى التربية ليها نظام ...... ايوه ده من اساسيات التربية طبعا.

بالنسبة ليه بيكون فى نوعين فى اسلوب التربية :

1. التربية العادية

2.التربية السوبر

 😓😓😓😓😓😓تربية عادية وتربية سوبر طيب ازاى ......طيب كمل معايا وهقولك على الفرق وده من تجربه شخصية

اولا:التربية العادية:

هى التربية على الارض وتكون الارض مفروش فيها اما نشارة او تبن واحيانا رملة .طيب فى اغلب المربيين بيستخدموا ده ومزارع ناجحة  بالاسلوب ده.

اليوم سوف اتحدث عن تجربتى الشخصيةفوجدت ان هذه التربية غير مجدية وليه :

1.مرض الكوكسيديا والنيوكاسيل الذى ياتوا نتيجة التربية على الارض خاصة انى كنت اربى الدواجن واعتمد اكبر قدر ممكن على الاعشاب وليس الادوية حتى استطيع توفير فرخ بجودة عالية .

2.وجددت ان التبن الذى استخدمة او النشارة فهذا اهدار لجزء من المصاريف وتكلفة زيادة على مصاريف الفراخ كما ان الكوكسيديا والنيوكاسيل محتاجين ادوية ودية مصارف زيادة غير المجهود علشان توفر التبن وكمان ازالتة والتعب هذا كله فوجددت نفسى جزء من المصاريف يتم اهدارة وانا عاوز اقلل هذا الاهدار فاتجهت الى اسلوب التربية السوبر.

فاذا كانت امعاء الفرخة سليمة فانها تعطى الوزن المثالى وكمان فوق المثالى

التربية السوبر: 

هى التربية اما على ارضية بلاستك او البطاريات وسوف نتكلم عن الاسلوبين ومميزات كل اسلوب.

التربية السوبر بتريحك من امراض ومشاكل التى بتواجه امعاء الفرخة فى بتافظ على الامعاء لذلك تجد تحويل ممتاز واوزان ممتازه.

هل فى فرق فى التربية على الارضية البلاستك والتربية فى البطاريات ؟

ايوه فى بس الفرق مش بيكون للفرخ ،الفرق بيكون للمربى نفسة😓😓😓

الاتنين بيحافظوا على امعاء الفرخة بس واحد بيريح المربى وواحد بيتعبة . ازاى يعنى؟

التربية على الارضية البلاستك:  

التربية على الارضيه البلاستك بتكون مرفوعة عن الارض حوالى 10 سم والمربى يقدر يمشى عليهاوالفرخ بتكون معدلات تحويلة افضل من التربية على التبن او النشارة بس المشكلة بتكون فى التنظيف ولو المكان عندك مش كبير وعاوز تربى ضعف اللى ياخده المكان فهنا سنجد ان الارضية غى عملية لان المكان لو مش اتنظف ريحة الامونيا صعبة،بس انك تقعد تشيل الارضية مجهدة جدا بس بالنسبة للناس اللى مش معاها يكلف بطارية فهى بتكون افضل

بتختلف اسعارها من 85 الى 95 ويجى الشخى يبيعها ب100 ويقولك اصلا دية خامة افضل اعرف انه نصاب وبيضحك عليك .

وبكدا بدل فلوس التبن اللى بترميها على الفاضى هتشترى الارضية وخلال اربع او خمس دورات تكون حقها اكتمل وبتسعنلها عادى بدون بند زيادة فى المصروفت للتبن او النشار

 

 

ولكن بعض المربيين بيقوموا بصنع ارضيات ورفعها مسافة نص الى متر عن الارض حتى تسهل عملية التنظف باستخدام الشبك البلاستك 

 طيب البطاريات ايه نظامها:

 من وجهة نظر هى اعلى اسلوب تربية حيت فرخة صح ومربى مرتاح والمكان ممكن تربى فى الضعف او الثلاثة اضعاف ،والحفاظ على العلف من الاهدار واسلوب الشرب اتوماتيكى واو سقايات حسب رغبة المربى واخلفت اشكالها ونظامها ولكنها تريح المربى من اسلوب التنظيف ويصبح بصورة سهلة.

تنوعت البطاريات من خشب وحديدواصناف اخرى بس بجد عملية ومريحة

 

اتمنى ان ينال هذا المقال على اعجاب من يقراه وسوف نستكمل معكم سلسة تربية الفراخ البيضا فى المنزل باسلوب حديث😇😇😇😇😇

 اتمنى ان تنشره حتى تعم الفايدة على الكل

 

***********************

***********************

الادوية البشرية وعلاج الدواجن

الادوية البشرية المستخدمة فى علاج الدواجن:

هذا المقال اجده مهم لما يحتوية علي معلومات قيمة حول 

الادوية البشرية التي تم تجربتها علي الدواجن لعلاج الامراض

التي تتعرض لها.

الريفو للدواجن

اولا:الريفو:

مشهور جدا ومنتشر في جميع الصيدليات ويستخدم في خفض درجة حرارة الطيور وعلاج نزلات البرد وايضا في علاج الاجهاد الحراري حيث يعمل سيولة في الدم خاصة في فصل الصيف.

تحذير لا يجب استخدامة في حالة وجود جرح في الطائر لانه يعمل سيولةفى الدم.

الجرعة:

*برشامة ريفو يتم دقها وتنعيمها على سقاية اربعة لتر

من واقع تجربتى ممتاز وجدت انه يعالج البرد ويخفف الالتهابات وفى عز الصيف بيقلل من الاجهاد الحرارى .

 رينوستوب:

1.دوا بيستخدم في علاج نزلات البرد والرشح عند الطيور .

رينوستوب بتاع الاطفال

2.لكن هنا يجب ان تفرق بين نزلات البرد وحالات الانفلونزا يعني ايه:

*الانفلونزا مرض خطير سواء كان عند الطائر او الانسان ممكن يؤدي الي الوفاة ودائما بيكون الاطائر خامل ولا يتحرك كثير اذا اصيب به وايضا تصيبه نزلة برد

*اما البرد العادي يكون هناك فقط رشح بالانف ويكون الطائر نشيط

• ملحوظة البرد العادي يسسببه فيروس غير فيروس الانفلونزا يسمي common cold virus

 الجرعة:

1/4 قطارة 3 مرات يوميا مع مياه الشرب وفيتامين c

من واقع تجربتى من افضل الادوية لعلاج الانفلونزا العادية ومفعولة سريع وجميل.

 الفلاجيل: 

1.يستخدم في علاج الديسنتاريا الي بتسببها الاميبا الي هي النزلات المعوية .

2.قتل انواع من البكتريا اللاهوائية

الجرعة :

للاعمار الصغيرة 5 سم على 2 لتر مية

للاعمار الكبيرة 10 سم على 2 لتر مية

يستخدم لمدة 3 ايام  ويكرر بعد اسبوع مرة اخرى.

من واقع تجربتى كنت استخدمة فى حالة الزرق المدمم فكان بيجيب نتيجة سريعة والاسهالات اللى لونها بنى غامق برضو نتيجتة كانت فورية. 

Ciprocin 250

مضاد حيوي واسع المجال وفعال جدا في قتل البكتريا المسببة للاسهال الابيض عند الطيور وامراض العيون والاصابات
البكتيرية للجهاز التنفسي 

الجرعة :  

قرص لكل 200 سم مكعب مياه لمده 3 ايام

 

 

 فيدروب:

يستخدم فى حالة ظهور الكساح وامراض لين العظام حيث يعمل على تقوية العظام للدواجن

الجرعة: 

*خمس نقط من القطارة على لتر للعمر الصغير

*1/4 قطارة للعمر الكبير جرعة 12 ساعة فى اليوم لمدة 3 ايام 

 

 

 

 

اتمنى ان ينال المقال على اعجاب من يقراه واتمنى ان يشارك كل من يقراه على نشره لعل الفايدة تعم الكل 😇😇😇

***********************

***********************

انواع الفراخ البياضة ومميزات كل نوع

انواع الفراخ البياضة وصفات كل نوع:

تحدثنا سابقا عن دراسة جدوى للفراخ البياضة وتحدثنا عن الانواع ببعض صور لانواع الفراخ البياضة .

اليوم سوف نتعرف على هذة السلالات وصفات كل سلالة حتى يكون المربى على دراية بنوع الفرخ الذى يتعامل معاه.

 لذلك يلجا الكثير من مربى الدواجن الى تربية الدجاج البياض لانه بيكون مشروع ثابت عن دجاج التسمين .

يفضل المربى السلالات الاجنبية والتجارية من الدجاج البياض  .

اليوم سوف نتحدث عن الدجاج المحلى والمستنبط فى مصر  

 لان السلالات المحلي بتكون فى متناول الجميع لان سعر الكتكوت اقل من سعر كتكوت السلالات الاجنبية وتحتاج الى المساحات الصغيرة واحتياجاتها الغذائية اقل وتتميز بمقاومتها للامراض والظروف البيئية الصعبة باقل التكاليف والامكانيات وبالرغم من ان انتاجها من البيض اقل من السلالات الاجنبية.

المستهلك المصرى يقبل على بيض الانواع المحلية ويكون سعره اعلى من انواع البيض الاخرى وايضا سعر كيلو اللحم منه اغلى بكثير .

 اولا :السلالة التى احببتها من واقع تجربتى معاها وجعلتنى احب تربية الدجاج البياضوهى سلالة الفيومى.

سلالة الفيومى:

من اقدم السلالات فى مصر وسمى الفيومى نسبة الى محافظة الفيوم فى قرية دار الرماد .

يرى الباحثون ان منشاها الاصلى قرية بيجا فى تركيا لذلك بيسمى بيجاوى وانتقلت هذة السلالة فى عهد محمد على  .

تعتبر من اشهر الانواع المصرية حيث تتميز بالمزاج العصبى وسرعة الانزعاج.

يوجد منها ثلاثة قطعان فى مصر:

1.محطة بحوث الدواجن بالفيوممنذ عام 1951.

2.مشروع الدواجن التكاملى بالفيوم منذ عام1983.

3.القطيع الثالث بمشروع تحسين السلالات الداجنة بالبحيرة 

عام 1986.

اجتهد علماء الوراثة فى تحسين هذه السلالة وتطويرها وتم تكوين خط لانتاج البيض بالاضافة للقطيع الاصلى عام 1970.

الصفات الشكلية: 

1. الكتاكيت لونها بنى وعليها شرايط بيضة بطول الظهر.

2.الديك بيكون ريش الرقبة والظهر والجناحين ابيض وريش البطنوالصدر رمادى مقلم.

3.الانثى جسم افرخة كله رمادى مقلم والرقبة ابيض والمنقلر والارجل رمادى غامق.

4.شحمة الاذن حمراءوالعرف مفردولون الجلد غامق يميل للزرقة.

الصفات الانتاجية: 

1.متوسط وزن الاناث عند عمر النضج(21اسبوع)1150 جرام.

2.متوسط انتاج البيض عند عمر 52 اسبوع215 بيضة وعند عمر 12 شهر يصل وزن البيضة الى 43 جرام. 

اتمنى من الله ان ينال هذا المقال البسيط على اعجاب من يقراه ولا تنسى ان تشارك هذا المقال لعل الفايدة تعم الكل

***********************

***********************

مشروع فراخ بياضة ودراسة جدوى للمشروع

مشروع الفراخ البياضة 

اليوم سوف نتحدث على احدى المشروعات التى يسعى اليها الكثير .

اذا توافر المكان والامكانيات والهدف والارادة والعزيمة تقدر تنجح باذن الله.

فى هذا المقال سنعطى دراسة جدوى كاملة لعمل مشروع الفراخ البياضة لكى يستفاد كل من يسعى لعمل مشروعات وادراتها بنفسة.

اولا :انواع الفراخ البياضة وسوف نقوم بكتابة مقال يوضح صفات ومميزات اى نوع باذن الله.

بس لازم تكون صبور وتتابع للنهاية فى قراءة المقال لانة هيعطيك كل معلومة تحتاجة .

  سلالات الدجاج البياض:

1.اللوهمان

 

 

 

 2.سلالة انشاص

3.سلالة السلام

4.سلالة الجميزة من احب السلالات الى قلبى.

5.سلالة البندرة

6.سلالة المعمورة

7.سلالة المنتزة الذهبى والفضى

8.دجاج المندرة

9. سلالة الليجهورن

10.سلالة دجاج ساسكس

11.سلالة الفيومى الذهبى والمخطط وهى سلالة مصرية عريقة من قديم الزمن.

هذة انواع الفراخ البياضة ومن اكثر الانواع احب الى قلبى ومع تجربتى الشخصية الفيومى بكل الوانة وهو رقم واحد لكثرة البيض الذى ينتجة.

يلية فى المركز التالى الجميزى وده بناءا على تجربتى معاه.

دراسة جدوى لمشروع فراخ بياضة:

العدد:500 فرخ

ثمن الشراء: نفترض ان سعر الكتكوت 3جنية 

اذن ثمن ال500كتكوت ×3=1500

الفرخ الواحد بياكل حتى مرحلة الانتاج:

• 2 كيلو علف ×7.5=15 جنيةوده من عمر يوم حتى عمر45 يوم.

  .3 كيلو من الخلطة وهى عبارة:

  60% علف بياض+40% دشيشة وسط والكيلو منها بيكلف 5 جنية

  اذن ال3 كيلو خلطة ×5=15 جنية.

  الفرخة الواحدة بتاكل الخلطة دية من عمر 45 يوم حتى 130 يوم.

  اذن ال500 فرخة هتكون تكلفة اكلهم حتى مرحلة الانتاج.

  هتكون (500×15)+ (500×15)=15000 الف جنية تكلفة اكلهم حتى مرحلة انتاج البيض.

  الفرخة هتحتاج 2جنية ادوية 

  اذن 500×2=1000 جنية ادوية

  الفرخة هتتكلف 5 جنية رعاية وتدفئة والايجار والعمالة والكهرباء

  اذن 500 × 5=2500   

  اذن التكلفة الكلية لكل فرخة هتكون(15 علف+15 خلطة+2ادوية+5رعاية+3 سعر كتكوت )=40 تكلفة حتى مرحلة الانتاج لكل فرخة

  اذن ال500 ×40 تكلفة الفرخة الواحدة =20000 جنية

  تعالوا نحسب انتاج البيض

  نسبة الانتاج من 70%الى 80%

  هنحسب المتوسط 75%

  يبقى 500 فرخة ×75%انتاج على 100%=375 بيضة فى اليوم 

  قول البيضة سعرها جنية اقل سعر 

  يبقى 375 جنية بيع بيض فى اليوم

  طيب تعالى نحسب استهلاك الفراخ فى اليوم

  الفرخة هتاكل من 90 الى 110 جرام فى اليوم اكل 

  هنحسب المتوسط 100 جرام فى 500 

  يبقى ال500 هيستهلكوا 50 كيلو من الاكل فى اليوم

  الكيلو هو عبارة عن الخلطة 40% دشيشة + 60% علف بياض =5 جنية للكيلو 

  يبقى 50 كيلو ×5 جنية =250 تكلفة اكل 500 فرخة فى اليوم

  يبقى صافى الربح اليومى:375 سعر بيع البيض -250 تكلفة الاكل=125 صافى الربح كل يوم

  يبقى الربح الشهرى :125×30 يوم=3750 شهريا

  الفراخ هتفضل تديك بيض طول السنة وهتديك متوسط 200 بيضة فى السنة .بعدما تستفاد من بيع البيض هتقدر تستفاد من بيع الفراخ بعد الاستفادة القصوى منهم .

  بعدما تبيع الفراخ بالكيلو هتلاقيها جابت التكلفة الكلية للمشروع  .

   اتمنى من الله ان اكون قد افدت من يبحث عن دراسة جدوي لمشروع الفراخ البياضة واتمنى من يقرا المقال ان ينشرة لعل الفايدة تعم على الكل😇😇😇         

   

***********************

***********************

الفراخ البلدى والبلدى المشعر والبلدى الهجين والساسو

اليوم سوف نتكلم عن الانواع الجديدة اللى انتشرت بصورة كبيرة فى مصر وازاى تم انتاجها لذلك نبدا من اساس وجود سلالات البلدى المختلفة وتطورها

فراخ الساسو:

تحدثنا سابقا عن نبذة صغيرة عنها ولكن اليوم سوف نتوسع فى الحديث عنها.

الساسو جيل اول:

1. بيكون نتيجة تزاوج ذكر جيل اول مع انثى جيل اول

   2.وزن الكتكوت عمر يوم من 40 الى 42 جرام

   3.موجود منه خمس الوان وهى(الاحمر والبنى والبنى بشريط على الظهروالرزى والاحمر الفاتح والالوان بتكون زاهية وواضحة يعنى الاحمر اخمر ومفيش معاه تداخل فى الالوان)   

   4. ارجل الكتكوت مش رفيعة 

   5.الكتكوت بياكل 4.5 علف خلال شهرين ليدينى 2 كيلو لحم.

   الساسو جيل ثانى:

   يكون نتيجة تزاوج ذكر جيل اول مع انثى جيل تانى وصفاته هى:

   1. وزن الكتكوت عمر يوم بيكون 35 جرام.

   2.والالوان ذى الجيل الاول ولكن بتكون باهتة جدا ومتداخلة.
   
   

   3.الارجل بتكون رفيعة عن الجيل الاول.

   4. الكتكوت بياكل 5 كيلو علف خلال 70 يوم ليدينى وزن 1.5 الى1.750.

   طبعا الساسو جيل اول افضل من حيث مناعتة العالية ومقاومتة للامراض وافضل فى التحويل وقلة الوفيات وكتكوت الساسو جيل اول اعلى فى السعر عن الجيل الثانى وفى ناس بتفضل الجيل الثانى لتعدد الوانة. 

   طيب ايه سبب حديثنا عن الساسو :

   السبب ان الساسو تم التهجين بينة وبين البلدى الحر ليظهر لنا البلدى المشعر والهجين . 

   البلدى الحر:

   ده بيبقى نتيجة ذكر بلدى حر مع انثى بلدى حر يعنى بيور والنوع ده موجود فى مصر من زمان وكل ستات البيوت خاصة فى الارياف بتربية.
   
   

   
   
   
   طيب صفاته ايه:

   1.الكتكوت بيكون وزنة 25 او اقل من كدا.

   2.الوانة المتعددة وكثرتها ووجود نسبة من الفراخ برقبة بيسموه الشركسى

   3.بياكل كيلو خلال 35 يوم ليدينى من 150 الى 200 جرام.
   
    

   طبعا الفراخ البلدى الحر ده ممكن تحطلهم بواقى اكل من اليت ولازم البواقى ميكونشى عدى عليه وقت طويل ومش بيقول لا لاى حاجة 😉

   وطعم اللحم جميل جدا لانة كل ما يكبر بنقلل العلف اللى بياكلة 😍😍😍

   ولكن حديثا تم انتاج سلالات مهجنة بين البلدى والساسو بتدى حجم الساسو وطعم البلدى حيث ان معامل التحويل بيكون اكبر من معدل تحويل البلدى البيور.لذلك نبدا باول نوع تم انتاجه:

   1. البلدى المشعر:

تم انتاجه نتيجة تزاوج ذكر ساسو جيل اول مع انثى بلدى حر حيث يستهلك كيلو علف خلال 35 يوم ليدينى 300 جرام ولكنة بالتاكيد افضل من البلدى الحر من حيث اللحم والبيض.

2. البلدى الهجين:

بيكون نتيجة تزاوج ذكر ساسو جيل اول مع انثى بلدى مشعر وبياكل كيلو علف خلال 35 يوم ليدى وزن 400 جرام ورجلة اعرض من رجل البلدى المشعر.       

قصتى مع البلدى الهجين من احلى التربية اللى ربتها فى حياتى لانة تميز بالوانة المتععدة وكمان حجمة الجميل حيت ان الديوك وصلت على عمر ثلاثة اشهر وزن ثلاثة كيلو واكتر والبيض كنت اجد بيضة وجواها صفارين ومقولش على الطعم حكاية بس الشتاء مش فرحنى وسابهم ليه😭😭😭

لذلك بفضل الساسو جيل اول والبلدى الهجين.

الشيفر وده نوع جديد لسه ظاهر نتكلم عن نبذة بسيطة عنة: 

وديه فراخ بلدى نتيجة تهجين بين ساسو جيل اول معى بلدى هجين وتمتاز بمعدل تحويل عالى وزيادة الانتاج للبيض واللحم الممتاز وقريبا سوف اقوم بتربيتها لانى الفضول مخلينى مشتاق اتعامل معاها.

***********************

***********************