انواع الفراخ البياضة ومميزات كل نوع

انواع الفراخ البياضة وصفات كل نوع:

تحدثنا سابقا عن دراسة جدوى للفراخ البياضة وتحدثنا عن الانواع ببعض صور لانواع الفراخ البياضة .

اليوم سوف نتعرف على هذة السلالات وصفات كل سلالة حتى يكون المربى على دراية بنوع الفرخ الذى يتعامل معاه.

 لذلك يلجا الكثير من مربى الدواجن الى تربية الدجاج البياض لانه بيكون مشروع ثابت عن دجاج التسمين .

يفضل المربى السلالات الاجنبية والتجارية من الدجاج البياض  .

اليوم سوف نتحدث عن الدجاج المحلى والمستنبط فى مصر  

 لان السلالات المحلي بتكون فى متناول الجميع لان سعر الكتكوت اقل من سعر كتكوت السلالات الاجنبية وتحتاج الى المساحات الصغيرة واحتياجاتها الغذائية اقل وتتميز بمقاومتها للامراض والظروف البيئية الصعبة باقل التكاليف والامكانيات وبالرغم من ان انتاجها من البيض اقل من السلالات الاجنبية.

المستهلك المصرى يقبل على بيض الانواع المحلية ويكون سعره اعلى من انواع البيض الاخرى وايضا سعر كيلو اللحم منه اغلى بكثير .

 اولا :السلالة التى احببتها من واقع تجربتى معاها وجعلتنى احب تربية الدجاج البياضوهى سلالة الفيومى.

سلالة الفيومى:

من اقدم السلالات فى مصر وسمى الفيومى نسبة الى محافظة الفيوم فى قرية دار الرماد .

يرى الباحثون ان منشاها الاصلى قرية بيجا فى تركيا لذلك بيسمى بيجاوى وانتقلت هذة السلالة فى عهد محمد على  .

تعتبر من اشهر الانواع المصرية حيث تتميز بالمزاج العصبى وسرعة الانزعاج.

يوجد منها ثلاثة قطعان فى مصر:

1.محطة بحوث الدواجن بالفيوممنذ عام 1951.

2.مشروع الدواجن التكاملى بالفيوم منذ عام1983.

3.القطيع الثالث بمشروع تحسين السلالات الداجنة بالبحيرة 

عام 1986.

اجتهد علماء الوراثة فى تحسين هذه السلالة وتطويرها وتم تكوين خط لانتاج البيض بالاضافة للقطيع الاصلى عام 1970.

الصفات الشكلية: 

1. الكتاكيت لونها بنى وعليها شرايط بيضة بطول الظهر.

2.الديك بيكون ريش الرقبة والظهر والجناحين ابيض وريش البطنوالصدر رمادى مقلم.

3.الانثى جسم افرخة كله رمادى مقلم والرقبة ابيض والمنقلر والارجل رمادى غامق.

4.شحمة الاذن حمراءوالعرف مفردولون الجلد غامق يميل للزرقة.

الصفات الانتاجية: 

1.متوسط وزن الاناث عند عمر النضج(21اسبوع)1150 جرام.

2.متوسط انتاج البيض عند عمر 52 اسبوع215 بيضة وعند عمر 12 شهر يصل وزن البيضة الى 43 جرام. 

اتمنى من الله ان ينال هذا المقال البسيط على اعجاب من يقراه ولا تنسى ان تشارك هذا المقال لعل الفايدة تعم الكل

***********************

***********************

الفراخ البلدى والبلدى المشعر والبلدى الهجين والساسو

اليوم سوف نتكلم عن الانواع الجديدة اللى انتشرت بصورة كبيرة فى مصر وازاى تم انتاجها لذلك نبدا من اساس وجود سلالات البلدى المختلفة وتطورها

فراخ الساسو:

تحدثنا سابقا عن نبذة صغيرة عنها ولكن اليوم سوف نتوسع فى الحديث عنها.

الساسو جيل اول:

1. بيكون نتيجة تزاوج ذكر جيل اول مع انثى جيل اول

   2.وزن الكتكوت عمر يوم من 40 الى 42 جرام

   3.موجود منه خمس الوان وهى(الاحمر والبنى والبنى بشريط على الظهروالرزى والاحمر الفاتح والالوان بتكون زاهية وواضحة يعنى الاحمر اخمر ومفيش معاه تداخل فى الالوان)   

   4. ارجل الكتكوت مش رفيعة 

   5.الكتكوت بياكل 4.5 علف خلال شهرين ليدينى 2 كيلو لحم.

   الساسو جيل ثانى:

   يكون نتيجة تزاوج ذكر جيل اول مع انثى جيل تانى وصفاته هى:

   1. وزن الكتكوت عمر يوم بيكون 35 جرام.

   2.والالوان ذى الجيل الاول ولكن بتكون باهتة جدا ومتداخلة.
   
   

   3.الارجل بتكون رفيعة عن الجيل الاول.

   4. الكتكوت بياكل 5 كيلو علف خلال 70 يوم ليدينى وزن 1.5 الى1.750.

   طبعا الساسو جيل اول افضل من حيث مناعتة العالية ومقاومتة للامراض وافضل فى التحويل وقلة الوفيات وكتكوت الساسو جيل اول اعلى فى السعر عن الجيل الثانى وفى ناس بتفضل الجيل الثانى لتعدد الوانة. 

   طيب ايه سبب حديثنا عن الساسو :

   السبب ان الساسو تم التهجين بينة وبين البلدى الحر ليظهر لنا البلدى المشعر والهجين . 

   البلدى الحر:

   ده بيبقى نتيجة ذكر بلدى حر مع انثى بلدى حر يعنى بيور والنوع ده موجود فى مصر من زمان وكل ستات البيوت خاصة فى الارياف بتربية.
   
   

   
   
   
   طيب صفاته ايه:

   1.الكتكوت بيكون وزنة 25 او اقل من كدا.

   2.الوانة المتعددة وكثرتها ووجود نسبة من الفراخ برقبة بيسموه الشركسى

   3.بياكل كيلو خلال 35 يوم ليدينى من 150 الى 200 جرام.
   
    

   طبعا الفراخ البلدى الحر ده ممكن تحطلهم بواقى اكل من اليت ولازم البواقى ميكونشى عدى عليه وقت طويل ومش بيقول لا لاى حاجة 😉

   وطعم اللحم جميل جدا لانة كل ما يكبر بنقلل العلف اللى بياكلة 😍😍😍

   ولكن حديثا تم انتاج سلالات مهجنة بين البلدى والساسو بتدى حجم الساسو وطعم البلدى حيث ان معامل التحويل بيكون اكبر من معدل تحويل البلدى البيور.لذلك نبدا باول نوع تم انتاجه:

   1. البلدى المشعر:

تم انتاجه نتيجة تزاوج ذكر ساسو جيل اول مع انثى بلدى حر حيث يستهلك كيلو علف خلال 35 يوم ليدينى 300 جرام ولكنة بالتاكيد افضل من البلدى الحر من حيث اللحم والبيض.

2. البلدى الهجين:

بيكون نتيجة تزاوج ذكر ساسو جيل اول مع انثى بلدى مشعر وبياكل كيلو علف خلال 35 يوم ليدى وزن 400 جرام ورجلة اعرض من رجل البلدى المشعر.       

قصتى مع البلدى الهجين من احلى التربية اللى ربتها فى حياتى لانة تميز بالوانة المتععدة وكمان حجمة الجميل حيت ان الديوك وصلت على عمر ثلاثة اشهر وزن ثلاثة كيلو واكتر والبيض كنت اجد بيضة وجواها صفارين ومقولش على الطعم حكاية بس الشتاء مش فرحنى وسابهم ليه😭😭😭

لذلك بفضل الساسو جيل اول والبلدى الهجين.

الشيفر وده نوع جديد لسه ظاهر نتكلم عن نبذة بسيطة عنة: 

وديه فراخ بلدى نتيجة تهجين بين ساسو جيل اول معى بلدى هجين وتمتاز بمعدل تحويل عالى وزيادة الانتاج للبيض واللحم الممتاز وقريبا سوف اقوم بتربيتها لانى الفضول مخلينى مشتاق اتعامل معاها.

***********************

***********************

اباء وامهات الفراخ البيضا وولاد العم

 

تكملة لموضوع انواع الفراخ البيضا اليوم سوف نتكلم على اساس انتاجهم وهما الاباء والامهات.

اولا الاباء:

سلاله الكورنيش الابيض:

وهى تمثل خط الاباء حيت تمتاز:

1. بلون ريش ابيض وارجلها الطويلة ولون اللحم والجلد اصفر.

    2.اتساع الصدر وقدرتها على انتاج اللحم

   3.لون البيض بنى غامق ولون شحمة الاذن احمر والعرف فى شكل حبة الفاصولياء.

   
   
   
   

   وكانت الديوك بتستخدم فىالمصارعة فى الهند فسميت بالمصارع الهندى.

   يصل وزن الديك الى 4.767 والانثى الى3.632

2.البليموث روك الابيض:

تمثل خط الامهات وهى سلالة امريكيةوتتميز بالاتى:

1. الانتاج العالى للبيض ويكون لون البيض بنى 

   2.يوجد منها الابيض والاسود والمخطط والاشقر

   3.ولون اللحم والجلد والارجل اصفر وشحمة الاذن حمراءوالعرف مفرد

   

   يصل وزن الديك 4.313ووزن الانثى الى3.405 

    

    

    

    

    

   طيب مين هما ولاد العم😏😏😉

   وهى سلالة التسمين الحمراءوهى من اصدقائى القداماء:

   الفراخ الساسو:

   

    تعتبر من اشهر فراخ التسمين فى مصر حيث انها يتو تربيتهافى البيوت والمزارع لسرعة دورتها حيث انها ليها شكلين للتربية وهما :

   1.يتم تربيتها من عمر يوم لعمر 20 يوم ويتم تسويقها للاهالى لتكملة تربيتها.

   2.يتم تربيتها لعمر 55 او60 يوم وتباع بالكيلو وليها بورصتها زى الفراخ البيضا.

   ويوجد منها نوعين وهما ساسو جيل اول وساسو جيل تانى 

   

   ساسو متعدد الالوان

   
   

   الساسو جيل اول:

   يكون تهجين ذكر جيل اول مع انثى جيل اول ومعدل تحويلة كبير 

   حيث يستهلك 4.5 علف ليصل الى 2 كيلو والديوك دايما معروفة ان وزنها بيكون اكبر عند عمر 60 يوم.

   الساسو جيل تانى:

   يكون نتيجة تهجين ذكر جيل اول معى انثى جيل ثانى.

   ويستهلك 5 كيلو علف ليعطى وزن كيلو عند عمر 70 يوم.

   اكيد طبعا الساسو جيل اول افضل :

   1.بيكون اكثر مقاومة من الامراض .

   2.اكثر مناعة  واعلى فى معدل التحويل واكتساب الوزن.

   الفرق ان الساسو جيل اول اغلى شوية من الجيل الثانى فى السعر وانا من وجهة نظري  لو زيادة اتنين جنية هيوفر علية تكالليف تانية كتير.

   قصتى مع الساسو

   جبت الساسو من عمر يوم لانى بفضل اربى اى نوع فراخ من عمر يوم علشان اعرف النظام اللى اتبعة معاه والساسو اللى جبتة كان جيل اول الصراحة كان فاتح نفسى جدا اكلتة لغاية عمر اربعين يوم علف صافى وبعد كدا بدات ادخل الجريشة بدات بالناعمة وكل فترة ازود الجريشة كان عندى الديك عمر 60 يوم اتنين كيلو واتنين وربع والانثى اقل شوية صغيرة من اتنين كيلو ولكنى سيبت منهملانى كنت حابب اجربهم فى البيض البيض بتاعهم مش كتيروعند عمر ثلاثة اشهر ونصف كان وزن الديوك ثلاثة كيلو ونصف فما فوق بس اللى مش حبيته ان النوع ده لما بيكبرطعم لحمتة مش بيكون حلو زى ماتدبحة وهو صغير بيكون جميل جدا وده واقع تجربتى معاه.

   اتمنى من الله ان ينال هذا المقال على اعجاب من يقراه .

***********************

***********************