💞تربية الفراخ البيضا بالاعشاب (الجزء الثالث)💞
استكمالا للمقال السابق عن تجربة التربية بالاعشاب واعطاء الكثير من التجارب حول استخدام الاعشاب والكميات المناسبة لزيادة الوزن.
الاسبوع الثالث:
اتحدث عن تجربتى الشخصية بكل الجوانب منها الايجابية والسلبية
حتى الاسبوع الثانى كان كل حاجة تمام .
قمت بتغيير العلف لانى بفضل ان اغير العلف بعد 14 يوم من علف 23% بروتين الى علف 21% بروتين ليه لان كمية العلف المناسبة للفرخ من 600 الى 700 جرام ومش تزود عن كدا لان البروتين العالى بيعمل مشاكل فى الكلى والاخراج وهتظهر نتيجتة السلبيةفى الاوزان لوطولت فية لعمر 21 يوم.
بس ملحوظة😏😏😏😏😏
لماتغير العلف وده من وجهت نظرى انك مش تغيره بصورة مباشرة بس اخلط اعلف الناعم مع الخشن وتكون مجوع قبلها بساعتين ومعطش ساعةوابشر بصلة واخلطها مع العلف واهم حاجة الخل على المية كمضاد سموم.
طيب نظام التربية فى الاسبوع الثالث ايه :
اليوم الخامس عشر:
1.الكركم على العلف بالمقدار الذى تم ذكره سابقا 12 ساعة.
2.الينسون على المية 12 ساعة.
اليوم السادس عشر:
نفس نظام اليوم الخامس عشر برضو طيب استنه لحظه انت مش ذكرت الاوزان ليه؟
علشان الفراخ مش زادت وحصل مووت مفاجئ لكذا فرخة 😱😱😱😱
طبعاده كان سببه ايه لما شرحت الفرخة لاقيت المرارة منتفخة وطابعة على الكبد والمعدة
عرفت على طول ان الخلل فى العلف طيب عملت ايه 😏😏😏😏
على طول الخل فى المية وجرعة 10 سم للتر ايول يوم كامل وتانى يوم وثالث يوم 12 ساعة .
اسباب السموم اللى فى العلف:
1.اما السموم دية فى العلف من الشركة نفسها نتيجة مكونات العلف .
2.اما من الموزع اللى اشتريت منه ممكن يكون سوء تخزين لانك بمجرد انك تسيب العلف على الارض مباشره بيحصل خلل فى نسبة الرطوبة الموجودة فى العلف فتبدا تزيدنسبة السموم
.او التاجر جايب نفس اسم الشركة بس علف مضروب .
3.او انك خزنت العلف عندك بصورة سيئة فشكارة العلف لازم مش تكون لا محطوطة على الارض بصورة مباشرة او لامسة الحيط بصورة مباشرة ودية وجهة نظرى من حيث اسباب السموم.
طيب انا كنت مخزن العلف بصورة سليمة اذن السموم اسبابها اما رقم واحد او رقم اتنين.
اليوم السابع عشر:
طبعا الاوزان مش زى ماكانت ماشية فى وشها وخلى بالك كويس جدا من نوع العلف وحاول تختار علف نسبة السموم فية قليلة.
متوسط الوزن 650 جرام للكتكوت الواحد.
1.استمريت بوضع الخل بالمية 12 ساعة و12 ساعة التانية ينسون .
2. والكركم على العلف فترة 12 ساعة برضو سواء بالصبح او بالليل.
اليوم الثامن عشر:
متوسط الوزن 750 جرام للكتكوت الواحد.
طبعا الينسون والكركم عملوا فرق بالاضافة الى الخل الى بيقلل نسبة السموم طبعا الفرق هيظهر لان شكارة العلف خلصت وقررت اتعامل مع تاجر تانى نفس نوع العلف .
اليوم التاسع عشر:
بدات احط خميرة العادية مش الفورية بقدار 1/2 جرام على كل لتر مية علشان لما بتزيد بتعمل اسهالات .
لانى الاول كنت بحط الخميرة بمقدار 2 جرام ولاقيتها بتزود الاسهالات وطبعا اسهال يعنى قلة اكل يعنى انخفاض فى عملية التحويل.ودية معلومة مهمة لازم تاخد بالك منها😏😏😏😏
متوسط الوزن 830 جرام للكتكون الواحد
طبعا ده بيكون الوزن المثالى للتربية الارضية الى بتكون على النشارة او التبن بس عند عمر 21 يوم بس التربية السوبر بيكون افضل من التربية الارضية وافكر الناس👌👌👌👌 علشان مش تقول ازاى الاوزان دية فى العمر ده لان الكتكوت كانت اوزانه 50 جرام واكنر شوية وطبعا ده عمل فرقفى الاوزان.
اليوم العشرين:
متوسط الوزن910 جرام للكتكوت الواحد
طيب بما ان الجو حر جدا هستخدم الكركدية بمعدل واحدجرام للتر وطريقة تحضيره:
يتم غلى الماء وصبه على مقدار الكركدية فلو السقاية 4 لتر نحط شوية مية مغلية على 4 جرام من الكركادية ونتركة حتى يبرد تماما واهم حاجة انه يكون متغطى علشان الفايدة اللى فية .
وطيب فوايد الكركدية اية للفراخ البيضا:
1.مطهر معوى قوي حيث لدية القدرة على القضاء على البكترياالضارة.
2.يعمل على تنشيط الدور الدموية مما يزيد من تدفق الدم للانسجة.
3.الحفاظ على درجة حرارة الجسم علشان كدا كنت بستخدمة فى اوقات الحر لانة بيحتوى على فيتامين سى.
4.يعمل كطارد سموم.
ياااااااه على الفوايد اللى فيه😏😏😏علشان كدا فى اوقات الحر دايما قدام الفراخ فى المية.
اليوم الواحد والعشرين:
متوسط الوزن 1000 جرام يعنى كيلو للفرخ الواحد .
طيب الوزن المثالى عند العمر ده فلو نظام التربية عادية فالمفروض ان الوزن المثالى 850 جرام.
اما نظام التربية السوبر اللى بتكون على الارضية البلاستك او فى البطارية فالوزن المثالى 960 جرام علشان الكتكوت بيكون 42 جرام او 41 جرام .
اما المجموعة اللى كنت بربيها كانت اوزانها 50 جرام واكثر وده اللى عمل الفرق.
سنكمل باقى الاسابيع فى المقالات القادمة واتمنى ان ينال المقال على اعجاب من يقراه 😇😇😇😇
***********************
***********************
