انواع الفراخ البيضا

انواع الفراخ البيضا

1. الفراخ البيضا.

انتشرت تربية الدواجن البيضا فى مصر بصورة واسعة جدا وسلالات الدواجن البيضا بتختلف وفيها انواع كثيرة

مثل:

• الكب وده طبعا صديقى لاني بفضل النوع ده
• الاربوايكرز
• الهبرد
• الروص
• اى ار
• الايفيان المعدل

السلالات دية مدة دورتها مش بتعدى ال 45 يوم والمزارع بيداو بيع من عمر 32 الى 35 يوم 
لذلك نبدا فى توضيح كل نوع :

الكب 

من احب السلالات الى قلبى ولو توافرت الظروف المناسبة لية من علف ممتاز وتهوية ودرجة حرارة بنلاقى انتاج جميل جدا.

ده النوع كب واغلب كتاكيته بيمتازوا بالنقطة السوداء

وفى نوعين من سلالة الكب مش مختلفين عن بعضهم ولا حاجة وهى الكب 500 والكب 700
هنتكلم عن الكب 500 :عند العمر 35 بيكون الوزن المثالى(2050)ومعامل التحويل بيكون 1.567
ده بيكون فى نظام التربية العادية اما طبعا نظام التربية السوبر هنتكلم على الاختلاف بينهم فى مقال اخر.
اما عند العمر 42 بيكون الوزن المثالى(2712)ومعامل التحويل 1.715 وكل ده معتمد على الكتكوت كل ماينزل وزنة فوق 41 بيدى فرق فى الوزن 
قصة بسيطة :كنت منزل كتكوت وزنة 50 و55 جرام كان عمر يوم وماكنشى مريش ولا حاجة واللي اسالة عن الكتكوت ده يقوله وحش ومش هيجيب وزن هما كانوا معدودين لذلك قررت اتابعهم والتجربة خير دليل تعاملت معهم بنفس الرعاية على عمر 35 يوم كان اقل فرخة جايبة وزن 2600 الصراحة اتعجبت رغم ان الكل عيب عليهم بس التجربة خير دليل واكبرهم 2800   

 الايفيان :

 وهس سلالة قريبة من الكب حيث تمتاز الصدر الكبير وهى من السلالات الحديثة بمصر واشهرها ايفيان 48

 الاربو ايكرز:

من واقع تجربتى معاه مش عجبنى نهائى والله واعلم ممكن يكون المصدر اللى جبته منه مش كويس بس هنتكلم عليه من واقع تجارب مربيين شكروا فيه.

ميزتة انه بيستحمل تغيرات الجو ومش بصورة دايمة وهو من اول السلالات اللى ظهرت فى مصر .

عند عمر 35 يوم وزنة بيكون (2013 )ومعامل تحويلة 1.622 وعند عمر 42 بيكون وزنة(2673)ومعامل تحويلة 1.765

طيب من واقع تجربتى فى البداية مش بدا تحويل الا بعد عمر اسبوعين دية حاجة مش حبيتها لان التحويل لما بيبدا من اول يوم بتحس بالفرق والاوزان عند عمر 35 متفاوتة جدا وتوقعت بان المصدر ورغم انها شركة وليها سمعتا مش كويس وغيرت المصدر واحيانا موزعين بيكون طالع بكتكوت كويس ونظيف بس بيجى بيبدلة فى طريقة بنوع تانى مش حلو نهائى وبرضو محدش يعرف اساس الغلط من مين والمصدر اللى تجيب منة لازم يكون ثقة ولو مش توافرت الثقة غير المصدرلان ده شغل وتعب برضو.

الروص:

من افضل السلالات التى بتتحمل فصل الصيف وخاصه فى العنابر المفتوحة  .

والروص في منه انواع وهى 308 و708 .

 عند عمر 35 يوم بيكون وزنه (2113)وبيكون معامل التحويل 1.576

عند عمر42يوم بيكون وزنة(2468)وبيكون معامل التحويل1.719 

الهبرد :

يمتاز هذا النوع بكبر حجم الكتكوت من اول يوم وفى منه اربع انواع مختلفة وهى :

1. هبرد فليكس
2. هبرد كلر
3. هبرد كلاسيك
4. هبرد يلد

عند عمر 35 بيكون وزنة (2122)ومعامل التحويل بيكون1.62

. وعند عمر 40 بيكون وزنة (2571)ومعامل التحويل بيكون1.71

***********************

***********************