تجربة تربية الفراخ البيضا بالاعشاب

                       💞تربية الفراخ البيضا بالاعشاب( الجزء التانى)💞  

استكمالا للمقال السابق حيث توقفنا عند الاسبوع الاول ونكمل تجربتنافى التربية بالاعشاب.

المربى اللى بيشتغل التربية بالاعشاب على قد المغامرة الجميلة اللى بيشوف فيها التجارب الرائعة والتعرف على الاعشاب التى دايما موجودة فى حياتنا ولا نعرف قيمتهاوعند اشتغالى بمجال التربية بالاعشاب اكتشفت اشياء كثيرة ومعلومات قيمة ومازالت اجرب تجارب الاعشاب وسوف اكتب نتايجها بعد تجربتها.

الاسبوع التانى : 

 اليوم الثامن:

الينسون

1.نستخدم الينسون على الميه فترة 12 ساعة والخل البيتى 5سم للتر لمدة 12 ساعة حيث يعمل الخل كمضاد سموم 

2.نحط كركم على العلف بقدار5 جرام على الكيلو علف.

3. الوزن فى اليوم الثامن 287 جرام للكتكوت الواحد.

  اليوم التاسع:

نفس نظام اليوم الثامن

اليوم العاشر :

1.نبدا نوسع مكان التحضين ولو فى شبك تحضين نبدا نشيلة ونسيب الكتاكيت على الارضيةالبلاستك.

2.متوسط وزن الكتاكيت 336 جرام للكتكوت الواحد. 

اليوم الحادى عشر:

المفجاة وهى مفيش اى تحصين بدية للفراخ طول الدورة يعنى انت بتغامر .......😏😏😏😏😏😏ايوه وده جمال التربية بالاعشاب.

المفروض ان الوزن المثالى عند 14 يوم 450 جرام بس مفجاة😍😍😍

الوزن ده وصلناله عند عمر 12 يوم اية رايك بس خلى بالك👌👌👌👌الكتاكيت كانت اغلبها 50 جرام وزيادة شوية ودية اسمة التربية السوبر يعنى اما على ارضية بلاستك او فى بطارية 

قنبلة 💣💣💣💣💣💣💣💣😍😍😍😍😍

معلومة ممكن تعمل فرق مع المربيين:

الكركم بيزود وزن الفراخ 1/2 كيلو لحم مع استهلاك نفس كمية العلف وده بيكون مقدار الكركم 5 جرام لكل كيلو علف ويترش على العلف.

مش بقول قنبلة💣😏😏😏😏😏

اليوم الثالث عشر:

1.نحط ماء عادى ونضيف الكركم للعلف وبليل بحط ينسون على المية بقدار جرام لكل لتر مية وطبعا اتكلمنا عن الينسون سابقا فى قسم الاعشاب والدواجن 

هنقول تحضيرة بسرعة👼👼👼

نغلى الماء ويكون الينسون مقدار جرام لكل لتر ماء فلو السقاية 4 لتر يبقى مقدار الينسون 4 جرام ونصب شوية المية المغلية علية فى الكوباية ونتركة حتى يبرد تماما بس اوعى تنسى تغطية علشان الزيوت اللى فيه مش تطير🐦🐦🐦بعيد😏😏 

اليوم الرابع عشر:

الاوزان جميلة ومفيش نافق حتى الان

متوسط وزن الكتكوت :600 جرام  

طيب حطيت ليهم اية النهاردة 

1.حطيت 12 ساعة من الخل البيتى لانى بستعملة كمضاد سموم 

2.والبقدونس المغلى لانى بستعملة كغسيل كلوى رهييييب فى علاج مشاكل الكلى عند الطيور والاسهال الابيض وده عن تجربة😏😏😏

وطبعا اليوم الخامس عشر بغير العلف ومش بغيره على طول بس بخلط العلف الناعم مع الخشن واكون مجوع ساعتين ومعطش ساعة 

وبحط على العلف بصلة صغيرة مبشورة والمية بيكون فيها الخل.

والفيديو ده هيوضحلك الفراخ بعد خلال العمر ال 14 يوم  . 

علشان التجربة دية كانت مع الفراخ اللى فى الفيديو 

اتمنى ان ينال المقال كل من يقراه واتمنى نشره لعل الفايده تعم الكل😇😇😇😇

وسنستكمل باقى الاسابيع فى مقالات قادمة وللمتابعة على صفحتنا 

 https://alasel8253.blogspot.com/

***********************

***********************