تجربة تربية الفراخ البيضا بالاعشاب

                    

             💕برنامج تربية الفراخ البيضا بالاعشاب💕

فى البداية احب انبه لحاجة فالبرنامج ده للاعداد الصغيرة واللى بيربى وعاوز يجربة فانا شخصيا مجربة ونتايجة ممتازة.

اسلوب التربية:

1.التربية لو فى البطاريات ولو متوافر ارضية بلاستك او شبك بلاستك النتيجة واحدة 

  التجربة كانت على ارضية بلاستك.

لنذكر سريعا فوايد التربية فى البطاريات او الارضية البلاستك:

1.وداعا للكوكسيديا التى تظر نتيجة التربية على الارض حتى لو بتنظف كل يوم.

2.سهولة التظيف وارتفاع معدل تحويل اللحم بس احب انبه 😏😏😏بان التنظيف سهل فى البطاريات اكتر من الارضية البلاستك 

3. تحصل على سبلة بجودة عالية غير توفير المبالغ التى تصرفها على النشارة والادوية نتيجة التربية الارضية.

   نبدا على بركة الله👍👍

الكتكوت :كب واوزانة مختلفة فكانت موجود كتاكيت اوزانها 50 جرام وازود شوية.

العلف :مرحلتين هو علف 23% وعلف 21% علشان انا مش بستخدم علف ناهى 19% مش هقول نوع العلف لان ده اشهار بالشركة حيث وجددت مشاكل واجهتنى وساقول لكم على بعض الاخطاء التى وقعدت بها فى نهاية سلسلة المقالات عن تجربتى الشخصية.

الاسبوع الاول:

1. قمت بتجهيز المكان حيث قمت بتطهيره بكلور وغلقه لمدة يوم كامل وفتحة تانى يوم وتهويته ورشة بالماء كذا مره لتزول رائحة المطهرات.

2.قمت برش الجير على الجزء اللى هحضن فيه وعلى الحائط بمسافة متر على الحائط.

3.فرشت الارضية البلاستك وفوقها الشبك البلاستك .وعملت حاجز لان الباب سلك وممكن يدخل اى طيار هوا بصورة مباشرة.

4.قمت بتشغيل مصادر التدفئة بالاضافى الى اطباق التحضين والماء بسكر حيت يتم وضع 2 جرام لكل لتر ميه   

وهذا الفيديو يوضح ذلك.

طيب ركز معايا😎😎

كتكوت جيد وعلف جيد وادوية استقبال جيدة ونظام تربية جيد هيدوا المربى انتاج جميل 

مواصفات الكتكوت :مش يكون اقل من 40 جرام وميكونش فيهالتهابات السرة ويكون متجانس

مربى جيد مع كتكوت جيد تكون دورة سعيدة ان شاءالله بغض النظر عن اسعار الكتكوت واسعار البورصة

اشتريت الكتكوت ب 7 جنية ونوعه كب.

الاستقبال:

اليوم الاول: 

استقبلت على مية بسكر بنسبة 2% لكل لتر يعنى 20 جرام سكر لكل لتر ميهوذلك لمدة 6 ساعاتوبعد كدا

يتم استعمال نوعين من المضاد الحيوى واحد تنفسى وواحد معوى

اليوم التانى :

يتم استعمال نوعين من المضاد الحيوى واحد تنفسى وواحد معوى وده حسب كل شخص والمضاد الحيوى اللى بيستعملةوانا كنت بستعمل فلوريكول لانة بيكون مدمج بين نوعين من المضاد الحيوى التنفسى والمعوي. وخلى بالك اى مضاد حيوى بيحتوى على السلفا مش تدية للطائر اول اسبوع لانة هيعملك مشاكل فى الاخر.

والمقدار كان سم للتر.والمدة هى سقوة 12 ساعة

وال12 ساعة التانية فيتامين اد3ه.

ومتوسط وزن الكتكوت عند عمر يومين 85 جرام حيث تم اخذ عينة عشوائية مكونة من عشر كتاكيت ووزنهم معا والناتج تم قسمتة على 10 وطلع 85 جرام 

اليوم الثالث  : 

نفس نظام الادوية بتاعة اليوم الثانى.

 اليوم الرابع:

متوسط وزن الكتكوت 128 جرام للكتكوت

1.وتم استعمال اليانسون بمقدار 1 جرام لكل لتر حيث يتم غلى الماء وصبه على الينسون فى كوباية وتغطيتة لمدة لا تقل عن ربع ساعة.ويتم استخدامة لمدة 12 ساعة.

 2. يتم استعمال فيتامين ه سيلينيوم لمدة 12 ساعة.

اليوم الخامس:

متوسط وزن الكتكوت 154 جرام 

نفس برنامج اليوم الرابع 

اليوم السادس : 

متوسط وزن الكتكوت 173 جرام.

تم استعمال الخلطة السرية وهى بنجوع قبلها بساعتين ونعطش ساعة 

الخلطة السرية  

1/2 معلقة كبيرة حلبة مغلية يعنى نجيب نص معلقة حلبة ونغليها ونسيبها تبرد.

و3 فصوص توم كبار ونص بصلة ونص معلقة صغيرة كزبرة ناشفة مطحونةونص معلقة صغيرة كمون مطحونونص معلقة صغيرة من الكركمونص معلقة صغيرة جنزبيل مطحون ونص معلقة صغيرة قرفة ناعمةوربع حباية طماطم🍅🍅 والكمية دية نضربها فى الخلاط  

ونحطها على 1/2 كيلو علف ولازم نكون مجوعين ساعتين ومعطشين ساعة

الخلطة دية مش اقولكم ريحتها جنان 😍😍😍😍

والكمية دية لخمسين الكتكوت🐓🐓🐓🐓وانت تقدر تضاعفها حسب كمية الكتاكيت

والخلطة دية لتحسين الوزن ومذاق الفراخ واذا اتظبط وزن الكتكوت يبقى مش نستعملها تانى واذا لم يضبط نستعملها عند عمر اسبوعين واخر مرة نستعملها عند عمر 21 يوم فقط ولانستعملها مرة اخرى. 

سنستكمل سلسة الحلقات القادمة عن تجربتى فى التربية بالاعشاب

من اراد التعليق فاليعلق ويسال فى القسم الخاص بالتعليقات.

اتمنى ان ينال المقال على اعجاب من يقراة وساعد على نشر المقال لعل الفايدة تعم الكل😇😇😇😇😇😇

  

***********************

***********************